Үлэ саҥа көрүҥүн олоххо киллэрии үгэнэ буола турар. Улуус администрацията (баһылык Левин И. И.) Мукучубут модельнай библиотекатын базатыгар IT киин арылларын туһунан бу кыһын былааннаабыта.
Филиал фондатын биир хоско түмээһин, эргэ кинигэлэри фондаттан таһаарыы үлэлэрэ сатыылаан турар куйаас күннэргэ түбэстэ. Бу түбүктээх үлэҕэ эдэр волонтердарбыт Мичил Софронов, Денис, Сергей Гаврильевтар, Василина Михайлова, Иванна Алексеева, Иванов Владимир Михайлович сиэннэринээн Сашалаах Айсены кытта көмөлөстүлэр.
Чааһынай урбаанньыттар көмө, тирэх буоллулар. Кычкина Дария Николаевна маҕаһыынын ыскалаадыгар остуоллары, устууллары уурдардыбыт, Гуляев Семен Алексеевич тасыһан абыраата. Кинигэлэрбитин харайарбытыгар биир проблеманан кураанах дьааһыктары булуу этэ. “Бигэ”, “Сардаҥа”, “Алаас” маҕаһыыннар, наар сылдьар ааҕааччыбыт Иванова Екатерина Ивановна дьааһыктарынан хааччыйан үлэ хаамыытын түргэтэттилэр.
Библиотекардар дьиэ кэргэннэрэ өйөбүл буолаллар.
Ити курдук, уопсай күүһүнэн уруккута оҕоҕо аналлаах хос уонна абонемент маллара барыта тахсаннар кураанахтанан өрөмүөннэнэргэ бэлэмнэр.
Кинигэ эйгэтин тэрилтэтигэр чугас, инники кэскиллээх үлэтин өйүүр дьоммутугар, общественнай волонтердарбытыгар ис сүрэхпититтэн махтанабыт. Эһиги болҕомтоҕут, кыһамньыгыт үлэҕэ кынаттыыр.
Им И. Н.,
Мукучу модельнай библиотекатын сэбиэдиссэйэ
13.07.2021 сыл
コメント