Үгэс буолбут тэрээһиммит буолар күнэ үүннэ. Бу кэми кэтэспиппит, биллэрин курдук өр кэмнээх тохтобул кэнниттэн үөрэ - көтө мустубуппут. Дьоро киэһэни ИТ киин специэлиһэ Анна Ноговицына иилээн - саҕалаан ыытта. Ийэ туһунан биир дойдулаахтарбыт ырыа туһунан түһүмэхтэн саҕаланна, ол курдук мелодист Роман Степанов ырыа кэһиилээх кэлбит. Өрөгөй ырыатын - Степан Васильев айымньытын иһиттибит, Мукучу олохтооҕо Вера Прокопьева - Итэҕэл ырыатын Клементина Каримова ыллаата. Бары күргүөмүнэн сахалыы, нууччалыы ырыалары ыллаатыбыт. «2014 сыллаахха “Ийэҕэ сыл бастыҥ ырыата” диэн Президентэн наҕараада ылбыппыт, онон итинник түмүктээхпититтэн мин дьоллоох киһинэн ааҕынабын”, - диэтэ Роман Константинович.
Быйылгы тэрээһин Арассыыйа норуоттарын културатын үйэлээх нэһилиэстибэтин сылыгар ананар. “КИНИГЭ - норуот духуобунай баайа” диэн быыстапка обзора буолла. Библиотека тэрийбит “КИНИГЭ - үйэлээх бэлэх” диэн бырайыагын чэрчитинэн пандемия кэмигэр уонна быйыл тахсыбыт бэлэх кинигэлэри библиотекардар обзордаатылар.
20 - чэ сыл тэрилтэбитин дьаһайан олорбут биир идэлээхпит Яковлев Николай Егорович туһунан «КИНИГЭ – норуот баайа” диэн үлэ туспа обзорданна. Библиотекарь туһунан «Туолбатах дьаһал» диэн уус - уран айымньыны олохтоох автор Светлана Самсонова - Сиибиктэ суруйбутун аҕа саастаах ааҕааччыбыт Любовь Николаевна Григорьева “Неисполненный указ” диэн нууччалыы тылбаастаабыта. Библиотека күнүгэр анаан Парижка үлэлиир, Лондоҥҥа олорор экология эйгэтигэр философия доктора, КЕЙДЖ бизнес оскуолатын профессора Яковлева Наталья Прокопьевна английскайдыы тылбаастаан ыыппыт видеотын көрдөрдүбүт.
Ыҥырыылаах ыалдьыппыт Алексеева Ритта Кимовна саха төрүт таҥаһын туһунан дириҥ ис хоһоонноох информация оҥордо. Авторскай үлэлэрин: чаппарааҕын, оноолоох кэһиэччигин, бытырыыстаах былаатын мустубут дьон сөҕө көрдө.
Эҕэрдэ түһүмэҕин нэһилиэк түөлбэлэрин салайааччылара Иванова Екатерина Ивановна, Саввинова Анна Афанасьевна, Каримова Клементина Борисовна саҕалаатылар. Ааҕаччыларбыт Павлова Татьяна Степановна, Кобякова Анастасия Петровна, Яковлева Маргарита Ивановна истиҥ тылларын анаатылар.
Ветеран библиотекардарбытыгар Варламова Мария Афанасьевнаҕа, Иванова Антонина Алексеевнаҕа бэлэхтэр туттарылыннылар.
Ити курдук, нэһилиэк общественноһа, махталлаах ааҕааччыларбыт библиотека тула муһуннулар.
Им Ия Николаевна,
Мукучу нэһилиэгин библиотекатын сэбиэдиссэйэ,
Россия суруналыыстарын сойууһун чилиэнэ.
Хаартыскалар тэрилтэ фондатыттан ылылыннылар.
Видео сигэтэ
И.Мигалкин тыл.
А.Тотонова мел.
Библиотекарь кыргыттар,
Кэлэ-бара суурэннит,
Кинигэни хасыьан
Аа5ааччыны уердэ5ит.
Сааскы куннуу сылаастык
Тар5ата5ыт кэрэни ,
Нарын-намчы бэйэ5ит
Кэхтибэтин еруутун.
Артыыс бэрдин курдуккут,
Ырыа-хоьоон да буоллун –
Ыллаан-туойан эьиги
Долгута5ыт киьини.
Олорон да ылбакка,
Сугэн-таьан кетехсен –
Сана кэлбит кинигэни
Киллэрсэ5ит мэлдьитин.
Сырдык санаа кынаттаах,
Ча5ыл уеруу аргыстаах
Куустээх таптал кууьуохтун –
Дууьа5ытын сэмэйдик.
//Кыым. – 2013. – Бэс ыйын 13 к. – с.34
Comments