Ийэ сылыгар,
оҕо көмүскэлин күнүгэр ананар
Библиотека үлэтэ иннин диэки хардыылаан иһэр, саҥаттан саҥаны тобуларга дьулуһар. Ол курдук, бэс ыйын 1 күнүгэр «Дайан» СК оҕо ыһыаҕын түһүлгэтигэр анаан оҕолорго, төрөппүттэргэ туһаайан “Кинигэтэ "амсай” диэн библио кафе тэрийдэ. Араас кэмнэргэ бэчээккэ тахсыбыт ас кинигэлэрин билиһиннэрдэ.
Ааҕааччыларбыт: кыргыттар, ийэлэр болҕомтолорун ордук “FOODSTAGRAM Лучшие блюда от фуд - блогеров” диэн 50 рецептээх кинигэ тарта, онтон уолаттар уонна эр дьон аатырбыт асчыт Иннокентий Тарбахов “Золотые рецепты якутской кухни” кинигэтин биһирээтилэр. Ааҕааччыларбыт библиотекаҕа сылдьаннар рецепт ылыах, уларсыах буоллулар.
Аттыбытыгар олохтоох асчыттар Розалия Михайловна Данилова, Ирина Филипповна Гуляева бородууксуйалара хамаҕатык атыыга барда.
Ити курдук, бэрт кэрэхсэбиллээх түһүлгэ тэрилиннэ.
Им Ия Николаевна,
Мукучу модельнай библиотекатын сэбиэдиссэйэ,
Россия суруналыыстарын сойууһун чилиэнэ.
Хаартыскалар тэрилтэ фондатыттан ылылыннылар
01.06.2022 сыл
Хаартыскалар
Comentarios