Советскай хозяйственнай деятель, Российскай Федерация уонна Саха республикатын үтүөлээх агронома, Ленин, Октябрьскай революция, Үлэ Кыһыл Знамя, Хотугу сулус орденнарын кавалердарын, 8 ыҥырыылаах ССРС Үрдүкү Сэбиэтин депутатын, ССКП XXIII съеһин делегатын, Кэбээйи уонна Таатта улуустарын бочуоттаах олохтооҕун туһунан “Жирков Семен Гаврильевич үтүө аатын үйэтитии» диэн подкаст (аудио запись, аудио биэрии) акцията Кэбээйи улууһун Мукучу нэһилиэгин модельнай библиотекатын көҕүлээһининэн ыытыллар.
Акцияҕа Семен Гаврильевич төрөөбүт дойдутун - Кэбээйи оройуонун уонна олорбут, үлэлээбит сирин - Таатта оройуонун дьоно (15 саастарыттан үөһээ) кыттыыны ыларгытыгар ыҥырабыт.
Маннык тиэмэлэри талыаххытын сөп: «Олоҕо», «Үлэтэ», «Биир идэлээхтэрин санаалара», «Төрдө-ууһа», «Дьон, суруналыыстар сыанабыллара», «Семен Жирков ыстатыйалара, үлэлэрэ, көрүүлэрэ». Талбыт тиэмэ, үлэ аата, автора ыйыллар. Аудиозапиһы ааҕар киһи толору аатын, олорор сирин этэр.
Ыам ыйын 20 күнүттэн саҕалаан атырдьах ыйын 31 күнүгэр диэри ыытыллар. Үлэлэргитин mukuchubook@mail.ru электроннай почтаҕа, 89627313795 (Им Ия Николаевна) телеграммҥа ыытаргытыгар. Киирбит үлэлэр https://mukuchubook.wixsite.com/biblio/post сайка тахсан, сырдатыллан иһиэхтэрэ.
Хас биирдии акцияҕа кыттыбыт дьоҥҥо оҕолорун, аймахтарын илии баттааһыннаах туоһу суруктара бэриллиэхтэрэ.
Көхтөөх кыттыыны ыларгытыгар эрэнэбит.
Кэбээйи улууһа, Мукучу модельнай библиотеката
Comments