Олунньу 12 күнэ сарсыардаттан күргүөмнээх тэрээһинтэн саҕаланна. Сахабыт тылын суругун-бичигин күнүгэр анаан оскуола оҕолоругар өрөгөйдөөх линейка ыытылынна. Сахабыт сирин уонна төрөөбүт улууспут өрөгөй ырыаларын сүһүөхпүтүгэр туран иһиттибит. Модельнай библиотека аатыттан сэбиэдиссэй тиэмэтическэй күн суолтатын, Семен Андреевич Новгородов оҥорбут сүдү үлэтин билиһиннэрдэ. Үүнэр көлүөнэ ыччат болҕойон иһиттэ. Нэдиэлэ устата ыыттыллыбыт тэрээһиннэр түмүктэрэ таҕыста.
Мустубут дьон сахалыы таҥастаахтара сүргэни көтөҕөр.
Тэрийэр бөлөх аатыттан суруйда Ия Николаевна Им
12.2.2024 сыл
コメント