«Үтүө санаа харыйата» акцияны 2015 сыллаахха мэр Айсен Николаев уонна «Үтүө санаа куората» общественнай түмсүү кыттыһаннар олохтообуттара. Биһиги нэһилиэкпитигэр бу хамсааһыҥҥа көхтөөх кыттыыны ыларбытыгар олохтоох администрация баһылыга Левин Н. И. комиссия тэрийэн ыҥырыы таһаарбыта уонна салайааччылары кытта сүбэ мунньах ыыппыта.
Ахсынньы 20 күнүгэр доруобуйаларынан хаарчахтаах оҕолорго уонна быстах хомуурга барбыт буойуннар дьиэ кэргэннэрин оҕолоругар, ыччаттарыгар анаан Левин Н. И., Эверстов Е. П, Саввинова М. И., Егорова Е. Е., Степанов Р. К., Иванов М. В., Кудрина К. Б., Им И. Н., Ноговицына А. Д., Дьяконов П. А., Павлова Т. П., Яковлев А. И., Андреев Н. М., Каратаев С. С., Павлов П. Н., Спиридонова С. П. бэлэх уунулар. Элбэх үтүө тыллары иһиттибит.
Түһүмэх салҕыытынан симэммит күөх харыйа дьэрэкээн уотун тыктарыы буолла. Бү түгэҥҥэ элбэх баҕа санаа этилиннэ.
Бу тэрээһиннэри «Дайан» СК специалистара иилээн - саҕалаан ыыттылар.
Түмүктээн эттэххэ, республикатааҕы акцияны өйөөһүн нэһилиэкпитигэр аан бастаан тэриллиннэ. Үтүө санаа түһүлгэтэ дьону сомоҕолоото.
Им И.Н.,
библиотекарь, суруналыыс
22.12.2022 сыл
Хаартыска “Салайааччылар / Руководители”
ватсап бөлөҕүттэн ылылынна
Hozzászólások