САССР төрүттэммитэ 100 сылыгар,
Саха сиригэр государственность күнүгэр ананар
Бүгүн балаҕан ыйын 27 күнүгэр Мукучу гимназиятын 5 - 11 кылаас үөрэнээччилэригэр аһаҕас халлаан анныгар тэрээһиннэр ыытылыннылар. Государственноһы ылыныыга Платон Ойуунускай, Максим Аммосов, Исидор Барахов үйэлэргэ умнуллубат кылааттара, тулхадыйбат үлэлэрэ төһүү күүс буолаллар. Үүнэн иһэр ыччакка тиэрдэр сыаллаах сквергэ сырдатыы үлэтэ барда, оҕолор болҕомтолоохтук иһиттилэр. Олохтоох администрация сүрүн специэлиһэ Андросов Николай Адольфович эҕэрдэ тыл эттэ, улахан дьон сибэкки дьөрбөтүн уурдулар.
Ити курдук, бары кыттыһаммыт республикабыт историятыгар умнуллубат хамсааһыны оҥорбут дьоммутун ахтан - санаан аастыбыт.
Им Ия Николаевна,
библиотекарь, суруналыыс.
27.09.2022 сыл
Хаартыскаҕа Анна Ноговицына түһэрдэ.
Comments