«Эдэр ааҕааччы-2023» күрэх

Олунньу 16 күнүгэр “Кэнчээри” уһуйааҥҥа кыра уонна оскуола иннинээҕи саастаах оҕолорго Саха Өрөспүүбүлүкэтигэр саха тылын уонна суругун-бичигин күнүгэр аналлаах «Эдэр ааҕааччы-2023» диэн күрэх ыытылынна. Сүрүн сыала: төрөөбүт тыл сүмэтин, эриэккэһин кэрэтин иҥэрии, ийэ тылынан киэҥ туттуу, өрө тутуу, Ийэ-дойдуга бэриниилээх буолуу. Хоһоон ааҕааччыларга ирдэбиллэр: уус-ураннык аһаҕастык, холкутук ааҕыы, дьоҥҥо-сэргэҕэ тириэрдии, таҥаһа-саба, туттара-хаптара.

Дьүүллүүр сүбэ бэрэсэдээтэлинэн Мукучу нэһилиэгин библиотекатын сэбиэдиссэйэ Им Ия Николаевна, чилиэннэринэн уһуйаан сэбиэдиссэйэ Егорова Елизавета Егоровна, методиһа Иванова Зоя Алексеевна буоллулар.

Оҕолору 3, 4, 5, 6 саастарынан арааран сыаналаатылар. 3 саастаахтарга: сүрүн кыайыылаах - С.А., «Саас», Михайлова Д.И., Гоголева Т.А., 4 саастаахтарга - 1 үрдэл, С.А, “Мин дойдум» С.Данилов, сал. Стрекаловская С.Г., Гоголева Т.А., 5 саастаахтарга - 1 үрдэл, И.С., “Сахам сирин таптыыбын", сал. Кычкина Т.П., Софронеева Р.А., 6 саастаахтарга сүрүн кыайыылаах - Л.А., "Саллаат сүрэҕэ" Т. Сметанин, сал. Кычкина Т.П., Софронеева Р.А.

Кытааччылары күрэххэ бэлэмнээбит иитээччилэргэ, уһуйааччыларга, төрөппүттэргэ барҕа махталбытын тириэрдэбит.

Матырыйааллар “Кэнчээри” уһуйаан

фондатыттан ылылыннылар.