Хас биирдиибит тус олохпутугар оскуола - оҕо сааспыт умнуллубат сырдык өйдөбүлэ буолар. 1969 сыллаахха оскуола боруогун саҥа атыллаан киирэн алын сүһүөх кылааһы бүтэрэн орто оскуолаҕа киирбиппит. Бу сыл биһигини саха тылыгар, саха литературатыгар Левин Иннокентий Наумович үөрэппитэ. Орто уҥуохтаах, хара төгүрүк сирэйдээх учуутал мөссүөнэ билигин да харахпар көстөр. Кыыһырбыта көстүбэт, куруук мичээрдии олорооччу. Оҕолорго истиҥник сыһыаннара, ол иһин Иннокентий Наумовиһы олус убаастыыллара. Саха тылыгар, литературатыгар кылгас кэмҥэ үөрэппитэ да буоллар, бэрт умсугутуулаахтык, өйдөнүмтүөтүк үөрэтэрин өйдүүбүн.
Кэлин улаатан баран, Иннокентий Наумович Чурапчыга олорон үлэлиирин истэр этим. “Чолбон” сурунаалга хоһооннорун ааҕан, бу үөрэппит учууталым диэн астына көрөбүн.
Татаринова Клавдия Иннокентьевна,
Ньидьили орто оскуолатын география учуутала.
Чагда, балаҕан ыйа, 2023 с.
Матырыйаалы партнер-филиаллар:
Мукучу уонна Чагда библиотекалара бэлэмнээтибит.
Comments