Кэбээйи улууһугар тыыл ветераннарын,
сэрии кэмин оҕолорун сылыгар ананар
Ыам ыйын 8 күнүгэр “Арчы” дьиэтигэр “Мукучу нэһилиэгэ” МТ дьаһалтата (баһылык Сысоева А. И.) кыттыгас тэрилтэлэрин - почтаны, ветеринарияны, модельнай библиотеканы, ИТ киини - кытта тыыл ветераннарыгар, сэрии кэмин оҕолоругар анаан тэрээһин ыытта.
Анна Ивановна киирии тыл эппитин кэнниттэн тэрилтэлэр салайааччылара эҕэрдэлэрин түһүмэҕэ саҕаланна. Модельнай библиотека, ИТ киин бэлэмнээбит “Кэбээйи улууһа кыайыыга кылаата” диэн нэһилиэктэр, биирдилээн дьоннор таһаарбыт кинигэлэрин обзорун информационнай слайдаларынан тыктаран сырдаттыллар.
Патриотическай ырыа арааһа ылланна, байаанна мелодист, “Оҕо кэрэ эйгэтин оскуолатын” директора Роман Степанов доҕуһуоллаата. Бу сигэнэн киирэн көрүөххүтүн сөп https://drive.google.com/file/d/1OtCiojZflFS5LCr3xy0GHqU5dOGOgN0M/view?usp=drivesdk
Аҕа саастаах көлүөнэ ыллыктаах тылларын иһиттибит.
Киэҥ - куоҥ саалга ретро быыстапка тэриллиннэ. Олохтоох администрация нэһилиэк Бочуоттаах дьонун туһунан саҥа таһаарбыт кинигэтин тутан - хабан көрдүлэр, сэҥээрдилэр.
“Дайан” СК специэлистэрэ бэрт сэргэх тэрээһини ыыттыллар. Ыҥырыылаах дьоннорбут үөрэн - көтөн, астынан тарҕастылар.
Им Ия Николаевна,
библиотекарь, суруналыыс
08.05. 2022 сыл
Ноговицына А.И. хаартыскаҕа түһэрдэ,
видеоҕа уһулла.
Comentarios