Олунньу 14 күнүгэр саха тылын, суругун - бичигин нэдиэлэтигэр аналлаах салайааччыларга туһаайыллыбыт биир интэриэһинэй тэрээһин буолла. Нэһилиэк баһылыгын планерката уратытык ааста. Ол курдук “Арчы” дьиэтигэр тэрилтэ салайааччылара сахалыы таҥнан кэллилэр. Сысоева А. И. буолбут үлэлэри билиһиннэрдэ, буолуохтаах үлэлэргэ сорук туруорда. Тыа хаһаайыстыбатын специалиһа Винокурова Т. А. үлэ хаамыытын, онтон “Дайан” СК директора Кудрина К. Б. сыллааҕы культурнай үлэ былаанын сырдаттылар.
Нэһилиэк модельнай библиотекатын сэбиэдиссэйэ фондаҕа баар араас сыллардааҕы тылдьыттары обзордаата. Ааҕааччылар интэриэстэрин 15 томнаах саха тылын быһаарыылаах улахан тылдьыта тарта. ИТ киин Мукучу специалиһа Ноговицына А. И. бэлэмнээбит информациятын проектарга тыктаран көрдөрдө. Бу бөдөҥ үлэни - тылдьыты электроннай көрүҥүн национальнай библиотека электроннай библиотекатыттан хайдах булан туһанныахха сөбүн быһаарыы үлэтэ барда.
Түмүккэ бары хаартыскаҕа түстүбүт.
Им И.Н., сэбиэдиссэй
14.02.2022 сыл
Хаартыскалар «Тэрилтэ салайааччылара»
ватсап түһүлгэтиттэн ылылыннылар.
Comentarios