Видео
Саха сиригэр Ийэ ,
Кэбээйибит улууһа төрүттэммитэ 85,
Мукучуга төрүт түөлбэ сылларыгар ананар
"Айар куттаах биир дойдулаахтарбытын, айымньыларын төһө билэҕитий?" диэн тургутугу модельнай библиотека тэрийбитэ.
Уопсайа 20 оҕо кыттыыны ылла: гимназияттан 8, Танара орто оскуолатыттан 12 оҕо. Тургутук баалынан сыаналанна.
Гимназия үөрэнээччилэрэ Г. А. уонна П. Т. толору, сиһилии эппиэттээннэр тэҥ 11 баалы ылланнар 1 миэстэни үллэһиннилэр. Кинилэртэн К. С. 10.5 баалы ылан хаалсыбата, 2 миэстэни ылла.
Танара орто оскуолатын үөрэнээччилэриттэн А. Е. 10.5 баалга оҥорон 1 миэстэни ылла. И. уонна К. Кычкиннар иккиэн тэҥҥэ 9 баалга оҥороннор 2 миэстэни үллэһиннилэр, А. Э. 6.5 баалга суруйан 3 миэстэҕэ тигистэ.
Кыттааччылар ордук норуодунай суруйааччыларга сыһыаннаах ыйытыкка ыарырҕаттылар. Владимир Николаевич Федоровка былырыын саас бу үрдүк ааты иҥэрбиттэрэ. Мукучуттан төрүттээх уонна төрүт дойдуга сыһыаннаах ыйытыктары интэриэһиргээтилэр.
Ити курдук оҕолор хасыһаннар билиилэрин эбиннилэр.
Кыайыылаахтарга Добун сурук, кыттыбыттарга туоһу сурук туттарыллар. ИТ киин Мукучу бэлэмнээтэ.
Саха тылыгар уонна литературатыгар учууталлара тэрийэр үлэҕэ көмөлөстүлэр. Социальнай партнердарбытыгар махтанабыт.
PS: аныгы ирдэбилинэн оҕолор ааттара толору суруллубата.
Им И.Н.,
Мукучу модельнай библиотекатын
сэбиэдиссэйэ
28.02.2022 сыл
Comments