САССР төрүттэммитэ 100 сылыгар
СӨ Ийэ сылыгар,
Мукучуга Төрүт түөлбэ сылыгар ананар
Күн уһаан, халлаан сырдаан сааскы маҥнайгы бырааһынньык чугаһаабыта биллэр. Библиотекаҕа күлэн - үөрэн, мичилийэн ааҕааччыларбыт киирэн кэллилэр. Кулун тутар 5 күнүгэр түөлбэлэр бэрэстэбиитэллэрэ «Сынньана таарыйа ...” диэн тематическай тэрээһиҥҥэ муһуннулар.
Киириитигэр сэбиэдиссэй “История сомоҕолуур: Герой Ийэлэр” диэн I, II Лүүчүннэр библиотекаларын кытта кыттыгас бырайыактарын билиһиннэрдэ. Бырайыак сырдатар үлэтэ “Иванова Мария Иннокентьевна - Герой Ийэ” диэн информацияны билиһиннэрииттэн саҕаланна. Слайдалары герой ийэ кыыһа Яковлева Мария Васильевна, кийиитэ Иванова Саргылана Николаевна оҥороннор библиотекаларга бэлэхтээбиттэрэ.
Күрэхтэһиини библиотекарь Афанасьева В. Н., ИТ киин Мукучу специалиһа Ноговицына А. И. тэрийдилэр. Түөрт түһүмэхтэн турар: “Айымньылары төһө билэҕиний?”, “Депутат дьахталлары таай”, “Өс хоһооннору таай”, “Ийэ туһунан ырыалары таай”.
Бэрт көрдөөх, интэриэһинэй түһүмэх кэнниттэн түмүк таҕыста. Павлова Татьяна Степановнаҕа “Тобуллаҕас өй” (“Муҥур Күөл” түөлбэ салайааччыта Гоголева Светлана Иннокентьевна), «Эрэл” түөлбэ салайааччытыгар Каримова Клементина Борисовнаҕа “Ырыаны таптааччы”, Гаврильева Ульяна Петровнаҕа “Норуот айымньытын тарҕатааччы” (“Тиэрбэс” түөлбэ салайааччыта Иванова Екатерина Ивановна), Борисова Евдокия Степановнаҕа “Кэрэни кэрэхсээччи” (“Кэскил”түөлбэ салайааччыта Соломонова Светлана Васильевна), Гурьева Варвара Анатольевнаҕа “Ырыаны бастыҥ таайааччы” (“Сарыал” түөлбэ салайааччыта Саввинова Анна Афанасьевна), «Чэчир» түөлбэ салайааччытыгар Софронеева Розалия Андреевнаҕа “Норуот айымньытын бастыҥ билээччи анал ааттар ананнылар. Хас биирдии кыттыбыт ааҕааччыларбытыгар кинигэлэри бэлэх ууннубут.
Ийэлэри минньигэһинэн күндүлээтибит, ирэ - хоро сэһэргэстибит.
ти курдук, ыалдьыттарбыт күннээҕи түбүктэн аралдьыйа таарыйа кэлэ сырыттылар, махтанан, үөрэн - көтөн тарҕастылар.
Түөлбэ салайааччыларыгар кыттыбыттарын, кытыннарбытын иһин махталбытын биллэрэбит.
Им И.Н.,
Мукучу модельнай библиоекатын сэбиэдиссэйэ.
06.03.2022 сыл
Comments