Кэбээйи уонна Нам улуустарын икки ардыларынааҕы тэрээһиҥҥэ, советскай - партийнай уонна государственнай деятель, Аҕа дойду Улуу сэриитин кыттыылааҕа, Саха АССР норуодунай хаһаайыстыбатын үтүөлээх үлэһитэ, полковник Василий Егорович Колмогоров төрөөбүтэ 100 сылыгар аналлаах диктаҥҥа (тургутукка) Мукучу нэһилиэгин олохтоохторо кыттыыны ыллылар.
Буойун педагог И. Е. Левин аатын сүгэр Танара орто оскуолатыттан (модератордар - иитэр үлэҕэ завуч Софронов М.В., саха тылыгар уонна литературатыгар учууталлара Самсонова С.Н., Васильев А.С.) 33 оҕо “Точка роста”, Мукучу гимназия 18 үөрэнээччилэрэ (модератордар - иитэр үлэҕэ завуч Кычкина А. Д., саха тылыгар уонна литературатыгар учуутала Васильева Е. Н.) уонна 4 улахан киһи библиотека иһинэн тэриллибит ИТ кииҥҥэ кэлэннэр толордулар. Уопсайа 55 киһи тургутууну ааста. Үөрэнээччилэртэн И.С. - 1 степеннээх, Н.С. - 2 степеннээх, И.Я., П.Э., К.М, С.Я., И.Д, К.А, онтон улахан дьоҥҥо Николаева В.С., Сидорова Л.И. - 3 степеннээх, Новикова К.Е. - 2 степеннээх дипломнар анананнылар.
Василий Егорович дириҥ ис хоһоонноох үлэтин арыйар информациялары социальнай ситим нөҥүө тарҕатан уонна тэрээһиннэр буолуохтарын иннинэ билиһиннэрбиппит. Сииттэттэн Сивцева А. Л. «Алгыс курдук олох» диэн ыыппыт электроннай слайдалара дьон сэҥээриитин тарта.
Ити курдук, ситимнээх үлэ түмүгүнэн көхтөөх үлэ барарын ситистибит.
Кыттыбыт уонна сэҥээрбит дьоҥҥо махтанабыт.
Нэһилиэк иһигэр сүрүн тэрийээччилэр -
Мукучу модельнай библиотеката,
ИТ киин Мукучу.
Хаартыскалар Танара оскуолатын уонна
библиотека фондатыттан ылылыннылар.
06.05.2022 сыл
Comments