“Бастыҥтан бастыҥ суруксут” үрдүк ааты Иванов Данил Кириллович ылла. Кини “Дайан” сынньалаҥ киинин оформителэ, бэрт кыраҕы харахтаах, тарбаҕар талааннаах ааҕааччыбыт буолар.
“Бастыҥ суруксут" ааты Ноговицына Мария Никифоровна уонна Левчикова Саргылана Николаевна ыланнар Добун суругунан бэлиэтэнэллэр.
Үчүгэй сыананы ылбыт ааҕааччыларбытыгар Борисова Матрена Ильиничнаҕа, Иванова Зоя Алексеевнаҕа, Винокурова Туйара Алексеевнаҕа, Павлова Анна Николаевнаҕа, Дохунаев Петр Владимировичка туоһу суруктар бэриллэллэр.
Үлэлэри Мукучу гимназиятын саха тылыгар, литературатыгар учуутала Васильева Евдокия Николаевна бэрэбиэркэлээн баран маннык санааҕа кэллэ: “Уопсайынан аҕам саастаах дьон уонна эдэр ыччат ыраастык үлэлииллэриттэн, тылы уонна сурук бэлиэтин сөпкө суруйалларыттан, улахан алҕас суоҕуттан киһи үөрэр”, - диир.
Танара орто оскуолата көхтөөх кыттыыны ылла. Ол курдук 9 үлэһит уонна 5 үөрэнээччи бэйэлэрин тургутан көрдүлэр.
*Сахалыы дьыктаан-2022 түмүгэ*
*Бастыҥтан бастыҥ суруксут*✍️ - Абрамова Алёна Афанасьевна.
*Бастыҥ суруксут*✍️ - Аммосова Татьяна Климовна, Слепцова Евдокия Павловна, Афанасьева Варвара Алексеевна ааты ыллылар.
Ити курдук, ааҕааччыларбыт, кыттааччыларбыт тургутууну ситиһиилээхтик ааспыттарыттан астынныбыт. Өрүү маннык үлэҕэ, олоххо көхтөөх буолуҥ. Бу ситиһиигитигэр кинигэни ааҕыы төһүү күүс буолара саарбаҕа суох.
Им Ия Николаевна,
Мукучу модельнай библиотекатын сэбиэдиссэйэ.
Самсонова Светлана Николаевна,
Танара орто оскуолатыгар
саха тылыгар, литературатыгар учуутала
14 .02.2022 сыл
Хаартыскаҕа Гаврильева У. П. түһэрдэ
Comments