“Сахабыт сирин бэлиэлэрэ” библиотечнай уруок

Саха сиригэр государственность күнүгэр ананар

Мукучу гимназиятын (директор Саввинова М. И., иитэр завуч Кычкина А.Д.) барытын хабан тураммыт эдэр ааҕааччыларбытыгар туһаайан ИТ киин Мукучу саалатыгар информационнай слайдалары күөх экраҥҥа тыктаран көрдөрө - көрдөрө кэпсээтибит. Тэрээһин иннигэр Сахабыт сирин өрөгөйүн ырыатын сүһүөхпүтүгэр тураммыт иһиттибит.

Оҕолор ырыаны тылбаастаабыт Таас Тумустан төрүттээх биир дойдулаахпыт, норуодунай суруйааччы Владимир Николаевич Федоров буоларын бэрт сэргии, киэн тутта иһиттилэр.

“Патриотическай ис хоһоонноох тэрээһиннэргэ мэлдьи кэлэ турар буолуҥ”, - диэммит тарҕастыбыт.

Хаартыска сигэтэ (ссылката) https://drive.google.com/drive/folders/1ljl-nD_PM-6bs3g3A8V3bOi-USKUUCz5?usp=sharing

Им Ия Николаевна,

библиотекарь, суруналыыс.

Хаартыскаҕа Анна Ноговицына түһэрдэ.

29.09.2022 сыл