Улууспут, нэһилиэкпит бүгүҥҥү күннээҕи олоҕун - дьаһаҕын, дьонун - сэргэтин туһунан ааҕааччы киэҥ араҥатыгар сырдатааччы дьонунан олохтоох суруналыыстар уонна корреспонденнар буолаллар. Биһиги Кэбээйибит улууһугар 16 суруналыыстар Россия суруналыыстарын сойуустарыгар киирэн үлэни дьиҥ кырдьыгынан сырдата олороллор.
Кулун тутар 23 күнүгэр улууспут "Дабаан" хаһыатын редактора Эверстов В. В. зуум платформа нөҥүө суруналыыстар уопсай мунньахтарын көҕүлээн ыытта. Бу мунньахха Россия суруналыыстарын сойууһун Кэбээйи улууһун бастакы сүһүөх тэрилтэтин председателин уонна республика суруналыыстарын конференциятыгар делегаты талыы боппуруоһа көрүлүннэ. Биир санаанан Мукучу модельнай библиотекатын сэбиэдиссэйинэн таһаарыылаахтык үлэлиир Им Ия Николаевна талылынна. Саҥа талыллыбыт председательгэ улууспут суруналыыстара эрэнэллэрин, элбэҕи күүтэллэрин уонна ситиһиилээх үлэни баҕардылар. Санатан эттэххэ, бу конференция муус устар 7 күнүгэр Дьокуускайга ыытыллара былааннанар.
Анна Сивцева,
Россия суруналыыстарын союһун чилиэнэ
25.3.2023 сыл
Comentarios