КИНИГЭ - үйэлээх бэлэх

Патриотическай эйгэлээх кинигэ

«Уруу - аймах ситимэ быстыбатын…» кинигэни Татьяна Давыдовна Максимова хомуйан оҥорбут. Сатабыллаах үлэһит, ыччат үтүөлээх наставнига, колхознай, совхознай тутуу, сэрии, үлэ ветерана, чулуу муҥхаһыт, социалистическай үлэ ударнига, муударай аҕа, эһээ Терехов Василий Афанасьевич төрөөбүтэ 100 сылыгар анаан тахсыбыт. Дьон - аймах ахтыыта, хаһыат ыстатыйалара, тус архыыбын матырыйааллара киирбиттэр. Ааҕааччыга аналлаах эбии бэлиэтээһиннэр лиистэрэ баар.

Василий Афанасьевич уоттаах сэриигэ 1942 - 1948 сс. сылдьыбыт. Смоленскай куорат туһаайыытынан өстөөҕү Москваҕа киллэрбэт туһугар 1 Белорусскай фронт Рокоссовскай командатыгар сулууспалаабыт. Буомбаҕа түбэһэн өлө сыспыт. Дойдутугар тыыннаах эргиллэн кэлэн үлэ үөһүгэр сылдьыбыт.

Кини олорбут олоҕо, үлэтэ дириҥ патриотическай эйгэлээх буолан кэлэр ыччакка холобур буола сылдьыаҕа диэн санааҕа кэлэбит уонна уларсан ааҕааргытыгар ыҥырабыт.

Кинигэни кыыһа Степанова Лидия Васильевна бэлэхтээтэ.

Библиотека коллектива

22.12.2022 сыл

Мукучу