Алтынньы 14 күнүгэр «Дайан» СК үп министерствота 2023 сылга ыытар күрэҕэр, «Олохтоох нэһилиэнньэ көҕүлээһинин өйүүр” программаҕа (ППМИ) аналлаах түмүктүүр тэрээһини «Мукучу нэһилиэгэ» МТ ыытта. Мунньах саҕаланыытыгар регистрациялааһын буолла, уопсайа 106 киһи кэллэ, анкеталары толордулар. Председатель Левин Н. И. (баһылык), секретэрдэр Андросова А. А., Андросов Н. А. (сүрүн специалистар) мустубут дьон истэрин курдук микрофоҥҥа саҥара - саҥара аахтылар, иһитиннэрдилэр. Сүрүннээн нэһилиэк дьоно үс проегы талла, ол курдук нэһилиэк иһигэр суолу тупсарыыга 43, олох - дьаһах хаһаайыстыбатын тупсарыыга 10, уулууссаны сырдатыыга 6 уо.да.а. Ити курдук, норуот суолу тупсарыыны талла. Үлэлиир дьонтон 1000 солб., үлэлээбэт дьонтон, пенсионердартан 500 солк. диэн быһаардылар. Өйүүр бөлөххө нэһилиэк депутаттарын киллэрдилэр. Ити курдук, норуот санаатын биллэрэн куоластаата.
Председатель эттэ: “Проекпыт күрэххэ хабылыннаҕына нэһилиэкпит киин уулуссатын уонна бөҕү тоҕо барар суолу тупсарыахпыт”, - диэтэ, көхтөөх кыттыыны ылбыттарыгар махтанна.
Мукучу олохтооҕо Анна Дорофеевна Иванова тус санаата: «Бэҕэһээ олохтоох нэсэлэнийэ көҕүлүүр Программатыгар мунньах буолбута. ДЬОН ЭЛБЭХ ЭТЭ. ТЭРЭЭҺИН ҮЧҮГЭЙ. КИИН УУЛУССАНЫ ТУПСАРЫЫ ЭТИИ ХОТТО. БАРЫТА ДЕМОКРАТИЧНАЙ. МӨККҮӨР СУОХ. ПРОЕКПЫТ ААҺАРА БУОЛЛАР БЭРТ ЭТЭ...»
Им Ия Николаевна,
РФ суруналыыстарын союһун чилиэнэ
15.10.2022 сыл
Хаартыскалар «Мукучу нэһилиэгэ» МТ
фондатыттан ылылыннылар.
Comments