Муус устар 25 күнэ.
Библиотекаҕа, ИТ кииҥҥэ И. Е. Левин аатынан Танара оскуолатын 11 кылааһын үөрэнээччилэрэ ыалдьыттаатылар. Кылаас салайааччыта Слепцова Евдокия Павловна. Бу кылааска нэһилиэккэ, улууска эрэ буолбакка республикаҕа биллэр ыччаттар Айсен Поскачин, Владислав Васильев, Олимпий Васильев, Дмитрий Иванов, Константин Михайлов, Станислав Эверстов үөрэнэллэр.
Оҕолор тулалыыр эйгэлэрэ, тэрилтэлэрэ кэнэҕэски ыччаттарбыт түөлбэбит, дойдубут, улууспут, республикабыт историятын билэ улааталларыгар кыһаллар.
Республика акциятыгар кыттыахпыт иннигэр Сайылык, Кэбээйи улууһа историятыттан билиһиннэрдибит. Онтон «100 фактов о Якутии в честь столетия» диэн национальнай библиотека тэрийбит медиа уруога улахан экраҥҥа көрдөрүлүннэ. Көрөөччүлэр сэргээтилэр.
Өрүү да олоххо көхтөөх, билиигэ тардыһар тэтимҥитин тута сылдьаргытыгар баҕарабыт.
Им Ия Николаевна,
Мукучу модельнай библиотекатын
сэбиэдиссэйэ.
Хаартыскаҕа Ноговицына Анна Ивановна түһэрдэ.
Comments