Россияҕа норуот уус - уран айымньытын,
Кэбээйибит оройуона төрүттэммитэ 85 сылларыгар ананар.
Мукучубут эдэр ааҕааччылара каникулларын туһалаахтык атааралларын туһугар лекториум хоһугар маастар кылаас оҥордубут.
Библиотекабыт үлэһитэ, нэһилиэк олоҕор көхтөөхтүк кыттар киһибит Ульяна Петровна туттуллубат матырыйааллары кырыйан туһаҕа таһаарарын күрүчүөгүнэн баайан көрдөрдө. Ол курдук кини офиска уруучука угар иһити киэргэппитэ, атах соттор баайбыта. Тулалыыр эйгэтин бэйэтин илиитин сылааһынан тупсара сылдьар үгэстээх.
Сөргүтүллэн эрэр музейга (түмэлгэ) практикатын бара сылдьар ХИФУ педагогическай институтун “Информатика уонна ааҕар суоттуур техника” кафедратын 3 курсун студентката Марианна Каратаева бу тэрээһиҥҥэ кыттыста. Кини аныгы моданан бэргэһэ баайыытын үөрэттэ.
Оҕолор бэйэлэрэ баайан холонон көрдүлэр, үтүгүннүлэр. Библиотекардар “Төрүт үгэс ситимэ” диэн сурунаал, кинигэ быыстапкатын обзордаатылар.
Бу тэрээһинтэн ааҕааччыларбыт үөрэн тарҕастылар.
Им Ия Николаевна,
сэбиэдиссэй
07.11.2022 сыл
Comentarios