Муус устар 19 күнүгэр библиотекаҕа Танара орто оскуолатын 7 кылааһын үөрэнээччилэрэ ыалдьыттаатылар. Кылаас салайааччыта Кычкина Мария Павловна илдьэ кэлэ сырытта. Бэрт сэргэх, эрчимнээх оҕолор. Ол курдук тустууктар кылаастара диэххэ сөп. «Үөһээ Бүлүүттэн, Чагдаттан, Мастаахтан, Арыылаахтан кэлэннэр сөбүлээн үөрэнэллэр, дьарыктаналлар”, - диэн үөрэ - көтө учууталлара кэпсиир. Кинилэр улууспут историятын билэргэ дьулуһаллара көстө сылдьар.
“Кэбээйи улууһун сэттэ дьикти сирдэрэ” диэн библиотечнай уруогу интэриэһиргээн иһиттилэр. ИТ киин специалиһа Ноговицына А. И. слайдалары көрдөрдө. “Кэбээйи айар талаан туоната” диэн быыстапка обзора буолла.
Эдэркээн ааҕааччыларбыт, дьоҕургутун сайыннараҥҥыт ситиһиилээх буолуоххут диэн эрэнэбит.
Им И.Н.,
модельнай библиотека сэбиэдиссэйэ
19.04.2022 сыл
Хаартыскаҕа Ноговицына А.И.
Кычкина М.П. түһэрдилэр.
Comments