Саха сиригэр Учуутал,
Константин Эверстов төрөөбүтэ 55 сааһыгар ананар
Танара орто оскуолатын (учуутал Самсонова С. Н.) 8 кылааһын үөрэнээччилэригэр библиотечнай уруок буолла. Суруйааччы, кэпсээнньит, педагог Эверстов Константин Семенович олоҕун, нэһилиэги, үөрэнэр оскуолаларын кытта сибээһин, айар үлэтин тула сэбиэдиссэй сэһэргэһии ыытта. Чагда библиотекара Ноговицына Туяра Васильевна телефонунан кэпсээтэ. “Туман буолбут таптал” диэн киинэтин көрбүттэр оҕолор бааллар эбит. Үөрэнээччилэр суруйааччыга, педагокка бэйэлэрин эҕэрдэлэрин, санааларын тиэртилэр. Түмүккэ ким, тугу өйдөөбүтүн эттэ.
6, 7 кылаас үөрэнээччилэрэ суруйааччы куолаһын иһиттилэр, кинилэр саастарыгар сылдьан “Киһиргэс куобах” диэн остуоруйа айбытын, көр-күлүү кэпсээннэрин уонна Ким Кралин туһунан «Бары туруйаларга кубулуйбуттар» патриотическай айымньытын ордук сэҥээрдилэр.
Педагог суруйааччы оҕолору кытта түргэнник уопсай тылы була оҕуста, хардарыта-таары аһаҕас кэпсэтии үөскээтэ, хаадьылаһан да ылбыт түгэннэр баар буоллулар, спортсмен оҕолорго туһалаах сүбэлэри биэрдэ, оҕолор толлубакка эрэ араас ыйытыылары биэрдилэр, баҕа санааларын эттилэр.
Бэрт интэриэһинэй уруоктар буоллулар, оҕолор өйдүү-саныы сылдьыахтара диэн эрэнэбит.
Ия Николаевна Им
23.3.2023 сыл
Comments