Павлов, С.С.
Павлова Анна Николаевна / С.С. Павлов ; хомуйан оҥордулар С.С. Павлов, А.С. Егорова - Дьокуускай : СМИК, 2021. - 148 с. : ил., портр.
Бу кинигэҕэ Бочуот Знага уордьан кавалера, РСФСР норуотун үөрэҕириитин туйгуна, Мукучу нэһилиэгин, Кэбээйи улууһун бочуоттаах олохтооҕо Павлова Анна Николаевна олоҕо, үлэтэ, төрүччүтэ хомуллан киирдэ.
Кинигэ автора, СӨ норуотун хаһаайыстыбатын үтүөлээх үлэһитэ, төрөөбүт, олохсуйбут улууспутун салайсыбыт биһиги убаастыыр киһибит, ааҕааччыбыт, кинигэ геройун уола Степан Степанович буолар.
Быйыл СӨ Ийэ сылын бэлиэтиир сылбытыгар ийэлэр тустарынан кинигэ долбуура хаҥаабытыттан үөрэбит.
Кинигэ маннык тутуллаах эбит:
1 түһүмэх - Ахтыылар.
2 түһүмэх - Оҕо - киһи кэскилэ, киэн туттуута, сиэн - киһи таптала, инникигэ эрэлэ.
3 түһүмэх - Айылҕаттан айдарыылаах учуутал.
4 түһүмэх - Анна Николаевна бэйэтин ахтыылара.
5 түһүмэх - Ийэбит куорсун анньыммыт сирэ - төрөөбүт төрүт буора, Күндэйэ
6 түһүмэх - Кимтэн кииннээх, хантан хааннаах.
Өскөтүн кинигэни саҕаланыытыттан ааҕар эбит буоллахпына бу сырыыга болҕомтобун 5 түһүмэх тарта. Күндэйэ. Сунтаар. Анна Николаевна мин биир дойдулааҕым. Кини саха Далбар Хотуна буоларын хаартыскалар, ахтыылар, дьон санаата, үлэ ис хоһооно бүүс бүтүннүүтэ туоһулууллар.
Мукучуга кийиит буолан кэлбиппэр биир дойдулаахтарым Анна Николаевна, Кутанаттан төрүттээх Ирина Павловна кэпсэлгэ сылдьар үтүө учууталлар этэ. Кинилэр хас да көлүөнэ Мукучу ыччаттарын үөрэтэннэр, иитэннэр нэһилиэккэ, улууска, республикаҕа, Россияҕа үтүө ааттара ааттанарынан киэн туттабын.
Кинигэҕэ баар ньургуһуннар оҕо сааспын санаталлар. Ол саҕана санаабар аан дойду ньургуһуна барыта фиолетовай эрэ өҥнөөхтөр дии саныырым ... Бу кинигэ нөҥүө оҕо сааспар, дойдубар ыалдьыттаатым ...
Махтал буоллун, авторга.
Сунтаар Кэмпэндээйититтэн төрүттээх
библиотекарь, суруналыыс
Им Ия Николаевна
28.04.2022 сыл
Comments