«Ийэ тыл сүмэтин иҥэрбит үтүө дьоммут»диэн ахтыы киэһэтэ

Россияҕа Учуутал, Уһуйааччы сылыгар,

СР саха тылын, суругун-бичигин нэдиэлэтигэр ананар

Олунньу 15 күнүгэр Мукучу нэһилиэгин библиотеката «Ийэ тыл сүмэтин иҥэрбит үтүө дьоммут» диэн ахтыы киэһэтин тэрийдэ. “Сүппэт эркээйини хаалларда” диэн кинигэ сүрүн геройа, ыччат саха эйгэтигэр иитииллэрин туһугар бүтүн олохторун анаабыт, кыһамньыларын уурбут саха тылыгар уонну литературатыгар учууталлара, ытыктыыр дьоммут Дьяконов Егор Иванович, кини кэргэнэ Ирина Павловна туһунан истиҥ-иһирэх ахтыы буолла.

Сэбиэдиссэй кинигэни обзордаата. 2006 сыллаахха матырыйааллары кыраайы үөрэтэр педагог Иванова Р. А. хомуйбута, түмпүтэ, редакциялаабыта, Левин Н. И. ол саҕана улууска үөрэхтээһин салалтатыгар начальниктыы сылдьан үбүлээбитэ, кинигэни бэчээттэтэн үөрэммит Танара оскуолатын үбүлүөйүн кэмигэр учууталыгар Ирина Павловнаҕа аҕалан туттарбыта. Оскуола сүрүн актовай залыгар кинигэ сүрэхтэниитэ буолбута. Билигин саха тылын уонна литературатын оҕолорго үөрэтэ сылдьар учууталлар Васильева Е.Н., Самсонова С.Н., үөрэммит оҕолоро, бииргэ алтыһан үлэлээбит дьонноро урукку кэмнэри сэһэргээтилэр.

Былырыын күһүн аҕа саастаахтарга аналлаах нэдиэлэ саҕана нэһилиэкпитигэр Ытык сүбэ тэриллибитэ, үөрэҕирии эйгэтигэр мэлдьи практическай сүбэ - ама биэрэр киһибит Иванова Анна Дорофеевна Уһуйааччынан сыһыарыллан общественнай үлэни толоро сылдьар. Учуутал сылын ыытарга икки үөрэх кыһатын кытта уопсай сыллааҕы былаанынан салайтаран бииргэ үлэлээһин саҕаланна. Салҕыы Дьяконов И. Е. иитэр завуч быһыытынан арыйар, кини методическай ньымаларын туһаныы туһунан сыаллаах тэрээһини ыытарга этии киллэрдэ. Маны таһынан тэрээһин кыттылаахтарын санааларын иһиттибит Сахабыт тыла сайдарын туһугар сүдү кылааты киллэрбит Учууталларбыт, Уһуйааччыларбыт Егор Иванович, Ирина Павловна үтүө ааттара ааттана туруохтун.

Тэрийэр хамыыһыйа

16.2.2023 сыл

Хаартыскаҕа Ноговицына А.И. түһэрдэ.