Дьоруой Н.С.Степановка. Анабыл хоһоон

Дьоруой төрөөбүт өтөҕөр Чолбоохойго

Герой Н.С.Степановка.

Арыылаах алаастаах, Чолбоохой эбэлээх, Хампа күөх кырыстаах Өргүөтуҥ сиригэр Күн сирин көрбүтүҥ Ньукулай барахсан!

Үөрэҕи- сырдыны батыһа Үрдүккэ тардыһар ыралаах, Үлэҕэ-түбүккэ эриллэн Эдэр төлөн сүрэхтээх, Эр бэрдэ, уол оҕо Улаата сиппитиҥ.

Өстөөҕү утары көрсүһэн Имири эһэрдии кыргыһар, Эн бэйэҥ эдэркээн олоххун Толук да биэрэртэн чаҕыйбат, Кэннинэн кэхтибэт санаалаах Уот - кутаа сэриигэ Аттанан барбытыҥ.

Саха саллаат буойуна, Алаас сэмэй оҕото Улуу өрүстэри туораан, Хайалары уҥуордаан Киэҥ сири тэлэҥҥин, Кыргыһыы өргүөстээх силлиэтин, Суостаах сибиниэс ардаҕын Ортотунан ааспытыҥ Эккинэн-хааҥҥынан билбитиҥ.

Сытыы мындыр өйгүнэн, Хотой хорсун сүрэххинэн Эрдээхтик охсуһан, Өстөөххүн кыргаҥҥын Дьоруойга үүммүтүҥ, Хойутаан да буоллар, Дьоруойуҥ Сулуһун Илиигэр туппутуҥ, Түөскэр эн кэппитиҥ!

Дьон-аймах умнубат Кыайыыны аҕалбыт саллааты, Киэн тутта ааттыыр Саха чулуу уолун - Ньукулай Саабыһы!

Алексеева Г А. - Сайылык Кыыһа. 17.2 - 2022 с.

Талааннаах биир дойдулаахпытын Галина Алексеевнаны эҕэрдэлиибит.

Хаалыктаах хаамыы. "Чэбдигирии" түмсүү

Дьоруой скверигэр

Автор ыыппыт хаартыскалара