Муус устар 15 күнүгэр Саха норуодунай суруйааччыта, РФ культууратын үтүөлээх үлэһитэ, биллиилээх общественнай деятель Софрон Петрович Данилов төрөөбүтэ 100 сылыгар аналлаах өрөспүүбүлүкэтээҕи “Данилов дьыктааныгар”И. Е. Левин аатынан Танара орто оскуолата көхтөөх кыттыыны ылла.
Сүрүн тэрийээччилэринэн саха тылын, литературатын учууталлара Самсонова С. Н., Васильев А. С. буолаллар. Уот бара турар уустук кэмнэригэр сэкирэтээр Иванова М. Р. сибээс бытаан да буоллар, ыытыллыбыт докуменнары хачайдаан, бэчээттээн, үлэни тэрийистэ.
Регистрация кэнниттэн кыттааччыларга учууталлар информацияны билиһиннэрдилэр, видеоролигы тыктаран көрдөрдүлэр.
25 ыйытыылаах тургутугу 14 үөрэнээччи толордо.
Кыттыбыттарга туоһу суруктар, онтон үрдүк баалга суруйбуттарга Мэҥэ суруктар туттарыллыахтара.
Сахабыт тыла сайдарын туһугар кыһаллан угуйар, үөрэтэр дьоммутугар Светлана Николаевнаҕа, Афанасий Спиридоновичка махтанабыт.
Им И.Н.,
Мукучу модельнай библиотекатын сэбиэдиссэйэ
Хаартыскалар оскуола фондатыттан ылылыннылар.
15.04.2022 сыл
Comments