Кэбээйи улууһугар аан бастакы тэриллибит “Илии сылааһа” диэн республикатааҕы иистэнэр сыах филиала үлэтин салҕанар. Байыаннай дьайыыга аналлаах Мукучубут волонтердара 17 тактическай рубашканы, 12 көстүүмү, 3 нательнай бельёны, 9 куллукуну тиктилэр, арчылыыр, алгыстаах, харыстыыр 140 саппыйа оҥордулар. Саппыйа оҥоруутугар библиотека үлэһиттэрэ күүс-көмө буоллубут.
“Бүгүн биһиги тикпит таҥаспытын уолаттар кэтэн бардылар”, - диэн филиал аатыттан туттарбыт Прокопьева В.Н., Афанасьева И.А. илдьит ыыттылар. Вера Николаевна Дьокуускай сыаҕар тиийэн иистэнэ сылдьар.
Волонтерскай үлэни Иванова Наталья Васильевна иилиир-саҕалыыр. Эбиэт кэмигэр дьиэлэригэр тарҕаспаттар, ол иһин үлэ таһаарыылаахтык барар.
Филиал саҥа тэриллибитэ, усулуобуйаны тупсарыыга туох кыалларынан үлэ бара турар, салҕанар. Баһылык Левин Н. И. сыахтан матырыйааллары аҕалбыта.
Биһигини барыбытын “КЫАЙЫЫ туһугар” диэн санаа сомоҕолуур, түмэр.
Хаартыскалар https://drive.google.com/drive/folders/1j9o22bmQjKhBxuzbzi0o5vr-rpSvAzYi?usp=drive_link
Comments